Rede im Kreistag am 19. Juni 2014
zum Bericht der Beauftragten für die Niederdeutsche Sprache
von Klaus Tormählen

Lewe Fru Walsemann, lewe Präsident, lewe Lüüd!

Een Mool will ik dat hier ok up Platt versöken. Wi bedankt uns bi all de Minschen binnen und buten, de uns ole Modersprak bewohrt, ganz besünners ok bi se, lewe fru Walsemann.

Biet Lesen vun eern Bericht is mi dat üppige Programm upfallen. Dor kümmt bannig wat tosaamen, wat se so dood. Dat wiest uns, woans flietig se sünd.

Een poor Wöör vun mi to disse Tied Mitte Juni. In fiev daag is Johanni. Johanni is Sünnen-Wenndag, de Dag mit de körteste Nacht un den längsten Dag. Dat Licht kriegt dat Düüster ünner. De Sünn höllt Hochtiet mit de Eerd. Dat hebbt uns Vörfahren fiert. För de wer Baldur de Gott vun't Licht. An Johanni strahlt Füer üm sienen Kopp: De blinkert nu as de Sünn. Ut Baldur warrt bi de Christen Johannes, dann lateren Jünger Jesu, de an dissen Dag up de Welt kümmt. Dorvon kümmt de Naam Johanni. De Saft vun dat Johanni-Krut, dat von dissen Dag an an blöht, is rood. Uns Vör-Ollen hebbt seggt, de Saft weer das Blood vun Baldur.

För de Buurn is Johanni en wichtige Wennpunkt in't Johr. So sluten sik an dissen Dag vele Seggwiesen över dat Weder an, besünners wat den Regen angeiht, de bi mi inn Goorn elk Fröhjohr to kott kümmt.

Vör Johanni mutt dat ganze Dörp üm Regen beden, na Johanni kann't en ool Wiev doon.

Vör Johanni beed de Buur üm Regen, na Johanni kümmt he ungelegen.

So veel Daag vör Johanni de Wittdoorn blöht, so veel Daag na Johanni is de Roggen riep.

Wenn de Kuckuck an Johanni röppt, kümmt en düür Tiet.

Nu wöllt wi mol kieken, wat ans disse Wör Wohrheit is. Keen noch mehr lesen will, de kiekt mol na bi Plattpartu.de